Kampioni i Italisë, Napoli, është forcuar në repartin e mbrojtjes. Ekipi italian të hënën ka prezantuar përforcimin më të ri për edicionin 2023/24. Bëhet fjalë për lojtarin nga Brazili, Natan Bernardo de Souza. Qendërmbrojtësi 22-vjeçar i është bashkuar Napolit nga ekipi brazilian, Red Bull Bragantino, për 10 milionë euro.
Natan ka firmosur kontratë deri në vitin 2028, ndërsa te Napoli do ta zëvendësojë reprezentuesin e Koresë së Jugut, Kim Min-Jae, i cili u transferua te Bayerni.
Krahas Bragantinos, Natan karrierë në Brazil ka bërë edhe te skuadra e Flamengos, ndërsa mund të luajë edhe si mbrojtës i krahut të majtë. Në total ai ka regjistruar 103 paraqitje për Bragantinon në të gjitha garat, duke kontribuar edhe me 3 gola e 2 asistime.
