Kryetari i Bashkësisë Islame të Kosovës, Myftiu Naim ef. Tërnava, ka pritur sot në takim lamtumirës ambasadorin e Shteteve të Bashkuara të Amerikës në Kosovë, Jeffrey Hovenier.
Myftiu Tërnava tha se populli i Kosovës do të jetë falënderues ndaj ShBA-së për atë se çfarë kanë bërë për Kosovën.
Ndërkohë, Hovenier falënderoi Myftiu Tërnavën për pritjen dhe bashkëpunimin me ambasadën e ShBA-së, duke e vlerësuar rolin dhe kontributin që po jep BIK.
Madje, ambasadori amerikan ka thënë se mirëpret bashkëpunimin e vazhdueshëm mes të dyja vendeve.
“Jam i kënaqur që takohem me myftiun Tërnava në një takim lamtumirës sot dhe i vlerësoj përpjekjet e tij, së bashku me Bashkësinë Islame të Kosovës, për të avancuar mirëkuptimin dhe tolerancën ndërfetare. #Liria Fetare është një nga vlerat tona të shumta të përbashkëta dhe respekti për trashëgiminë e ndryshme fetare dhe kulturore është thelbësor për çdo demokraci moderne. E mirëpres bashkëpunimin e vazhdueshëm”, ka thënë ai./teve1.info/
