Ai për Tëvë1 tha se do ishte dëshpëruese për qytetarët e Kosovës në qoftë se kjo skemë do ishte zgjidhja e vetme e Qeverisë lidhur me papunësinë.
“Kjo skemë e Qeverisë nuk ofron punësim të qëndrueshëm. Qeveria duhet të dalë me alternativa tjera për t’i aftësuar njerëzit të cilët kanë nevojë për punë, ose t’i ndihmojë zhvillimin e biznesit në mënyrë që të ketë vende të reja të punës. Nëse mendohet që Qeveria e kryen punën e saj me këtë skemë në raport me papunësinë, atëherë me të vërtetë do të ishte dëshpëruese për vendin, për shkak se vendi ka nevojë për politika shumë më të strukturuara, për qasje shumë më serioze për ta adresuar këtë problem të madh të papunësisë që e kemi në Kosovë”, tha Mustafa i ftuar në emisionin “Ditari”.
Ende nuk dihet se sa familje kosovare do të përfitojnë nga skema ‘një i punësuar për familje’, për zbatimin e së cilës Qeveria do të subvencionojë punëdhënësit kosovarë.
