Partia Demokratike e Kosovës konsideron se rruga evropiane e Kosovës ka stagnuar duke pësuar edhe regres.
E sipas tyre, fajin kryesor sipas këtij subjekti politik për këtë gjendje e ka qeveria e cila aktualisht është në detyrë.
Deputetja e PDK-së, Ariana Musliu-Shoshi tha se Kosova humbi edhe një tjetër rast për t’u bërë anëtare e Këshillit të Evropës.
Ajo në një konferencë për media tha se ky stagnim erdhi si rezultat i arrogancës i qeverisë në ikje.
“Rruga evropiane e Kosovës jo vetëm që ka stagnuar, por ka pësuar regres. Vetëm dy ditë më parë secili nga ne pamë se si Kosova humbi edhe një tjetër rast historik për anëtarësim në Këshillin e Evropës. Një mundësi për shumë që është punuar për më shumë se një dekadë që është punuar nga qeveritë e mëhershme me një përkushtim të madh sepse e dimë që anëtarësimi i Kosovës në Këshillin e Evropës është hapi kryesor drejt integrimit evropian forcon pozitën ndërkombëtare të shtetit tonë dhe ofron garanci për të drejtat e qytetarëve tanë. Por, për të ditën rresht kjo mundësi u humb edhe kësaj here erdhi si rezultat i drejtpërdrejtë dhe arrogant i qeveritarëve në ikje që kanë marr peng institucionet e Kosovës”, tha ajo.
Deputetja, Musliu-Shoshi në një konferencë për medie tha se për shkak të sanksioneve të vendosura nga BE për Kosovën, vendi po humb qindra miliona euro.
Ajo ka akuzuar Ministrinë e Punëve të Jashtme se është paralizuar dhe pa strategji.
“Për fat të keq të gjithë pa përjashtim janë pajtuar që Kosova të vendoset nën masa apo sanksione të BE-së. Ky është ndëshkim për qytetarët e Kosovës, por një dëm i madh që i kushton dhe iu bëhet qytetarëve të saj. Situata në të cilën është futur Kosova nuk është vetëm një dështim diplomatik me pasoja të rënda dhe të prekshme. Kosova dhe qytetarët e saj sot po humbin qindra miliona euro ndihmë e mbështetje nga BE. Po thellohet izolimi ndërkombëtarë dhe po ndalet procesi i integrimit dhe i njohjeve të reja për shtetin e Kosovës dhe çka është më e dëmshme është shkatërruar imazhi i Kosovës si faktor sigurie destabiliteti në rajon.. Ministria e Punëve të Jashtme është kthyer në institucion të paralizuar, pa strategji, pa aftësi për të udhëhequr politikën e jashtme. Pra, Kosova jonë sot është me politikë të jashtme jo ekzistente”, theksoi ajo.
Partia Demokratike e Kosovës fajin për mos anëtarësimin e Kosovës në KiE si dhe stagnimin në arenën ndërkombëtare ia hedh qeverisë aktuale tashmë në detyrë.
Ajo tha se Kosova ka nevojë për një qeveri që punon për interesat shtetërore dhe rikthen besimin e qytetarëve dhe atë të faktorit ndërkombëtarë.
“Të gjitha këto dështime kanë një adresë të qartë, një qeveri e dobët e korruptuar, pa vizion dhe pa plane. Një qeveri që në vend të bashkëpunimit ka zgjedhur konfliktin, që në vend të dialogut ka zgjedhur arrogancën, në vend të përgjegjësisë ka zgjedhur justifikimet dhe jo seriozitetin. Dhe sikur këto të mos mjaftonin sot jemi dëshmitarë të të një situate të paprecedent më shumë se tre muaj pas zgjedhjeve të 9 shkurtit qeveria aktuale ka marr pengë institucionet e vendit duke bllokuar formimin e Kuvendit dhe të qeverisë së re. Kjo sjellje po e qon vendin drejtë një krize të thellë kushtetuese dhe institucionale”, tha deputetja e PDK-së”, tha ajo.
Musliu-Shoshi tha se Kosova duke qenë nën sanksione të Bashkimit Evropian nuk ka asnjë mundësi të bëhet anëtare e Këshillit të Evropës.
Kosova edhe këtë vit e ka humbur mundësinë për anëtarësim në Këshillin e Evropës. Kjo, pasi aplikacioni i saj për anëtarësim në këtë organizatë nuk është përfshirë në agjendën e Komitetit të Ministrave të KiE-së, i cili u mblodh më 13-14 maj.
