Deputetja e Partisë Demokratike të Kosovës (PDK), Ganimete Musliu, duke folur për “neglizhencën” e dialogut Kosovë – Serbi, thotë se kryeministri i Kosovës, Albin Kurti, duhet të bëjë një riformatizim në qeveri.
Sipas Musliut, Kurti ndryshimin e parë që duhet ta bëjë është kryenegociatori, Besnik Bislimi, që sipas saj është treguar njëri i paaftë.
“Kurti duhet të reflektojë dhe me shpejtësi të bëjë një riformatizim të qeverisë dhe në krye të dikastereve të rëndësishme të vendos njerëz kompetent e kredibil, njerëz profesional. Ndryshimin e parë që duhet të bëjë është te kryenegociatori, Besnik Beslimi. Ai është treguar njeri i paaftë, është treguar njeri me teke dhe ka shkuar në Bruksel me mendimin se është duke diskutuar me opozitën. Pra, gabime të tilla nuk guxon të lejohen”, tha ajo në emisionin “Ditari” në Tëvë1.
Tutje, ajo deklaroi që Kurti duhet të bëjë ndryshime edhe në Ministrinë e Punëve të Jashtme, pasi që sipas saj ka dështuar misioni i saj.
“Ndryshimin tjetër me patjetër që duhet ta bëjë është te Ministria e Punëve të Jashtme, sepse e kemi misionin komplet të dështuar. Ne edhe sot kur po flasim, tri vjet qeverisje – asnjë rezultat. Janë mbyllur të gjitha rrugët në tapeti e kuq. Nuk kemi asnjë pritje nga asnjë shtet”, tha deputetja opozitare.
Musliu tha se deputetët e mazhorancës duhet të jenë të kujdesshëm në marrëdhëniet ndërkombëtare.
“Duhet të reflektojnë deputetët e VV-së, kur flasim për bashkësinë ndërkombëtare, kur falsim për ShBA-në dhe miqtë tanë ndërkombëtare të jenë të kujdesshëm dhe t’i mos i lëndojnë proceset e të mos shkatërrojnë marrëdhëniet e mira diplomatike që i kemi investuar vite të tëra”, shtoi ajo./teve1.info/
