Njohësi i çështjeve të sigurisë, Agim Musliu ka thënë se parada ushtarake e mbajtur në Beograd është një propagandë e Vuçiqit.
Ai ka thënë se pas kësaj “fasade”, fshihet vetëm krizë.
Musliu ka thënë se ushtria e Serbisë e cila në 6 vitet e fundit është braktisur nga 15 pjesëtarë është e mbushur me kriminelë.
“Parada e krizës. Regjimi i Aleksandar Vuçiqit u përpoq sot që me paradën ushtarake në Beograd të rrisë pikët dhe rejtingun e tij politik. Por pas kësaj fasade fshihet vetëm krizë. Në 6 vitet e fundit ushtrinë serbe e kanë braktisur mbi 15 mijë pjesëtarë. Është e njëjta ushtri e mbushur me kriminelë të pandëshkuar, që kanë udhëhequr formacione vrastare dhe operacione të spastrimit etnik në Kroaci, Bosnje dhe Kosovë. Është ushtri që mbetet doktrinalisht dhe strategjikisht e lidhur me Rusinë, jo me një të ardhme moderne. Dhe gjithë kjo ndodh në mes të krizës më të madhe që ka përfshirë Serbinë gjatë dy dekadave të fundit”, ka shkruar Musliu.
Ai ka thënë se Vuçiq do të përfundojë si çdo dikatorë tjetër dhe nuk e shpëton parada e as propaganda.
“As parada dhe as propaganda nuk do ta shpëtojnë Vuçiqin – ai do të përfundojë si çdo diktator tjetër”, ka shkruar ai.
