Musliu në emisionin “Ditari” në tëvë1, tha se 30 autobusë do t’i bashkëngjitën trafikut urban. Prej tyre 6 apo 7 elektrikë.
“Në momentin që po flasim këtu, kryetari Rama është në Londër duke nënshkruar marrëveshjen për flotën e re të autobusëve të trafikut urban. Do të kemi 30 autobusë të cilët do t’i bashkëngjitën kryeqytetit dhe trafiku urban kompletohet me flotën prej 81 autobusë ashtu siç e parasheh plani i mobilitetit. Prej tyre do të kemi 6 ose 7 elektrikë”, tha ai.
Po ashtu, Musliu thotë se janë duke punuar edhe në pritoret e autobusëve.
“Pjesa tjetër prej 80 autobusë do të jenë me sektorin privat edhe plotësohet numri prej 161 sa parasheh plani i mobilitetit. Pra 81 trafiku urban, 80 sektori privat. Jemi duke punuar edhe në pritoret e autobusëve. Gjithsesi do të punojmë edhe në linjat e autobusit”, shtoi ai.
Sipas tij, 10 milionë euro do të kushtojnë këta autobusë. /Teve1.info/
