Musa për Tëvë1 ka bërë të ditur se Departamenti i Përgjithshëm i Divizionit Civil, ka më së shumti probleme në Sistemin e Drejtësisë.
“Vettingu është çështja primare që do të duhej të merrej Qeveria dhe të gjitha partitë politike, e kjo në mënyrë që të bëhet funksional sistemi i drejtësisë. Sistemi i drejtësisë në Kosovë ka më së shumti probleme në Departamentin e Përgjithshëm të Divizionit Civil, jo për shkak të fajit të gjyqtarëve, por për shkak të numrit të madh të lëndëve të grumbulluara”, ka shtuar Musa në emisionin “Infonata”.
Ndërkaq, Musa konsideron problematike faktin që numri i gjyqtarëve në Kosovë është shumë i vogël krahasuar atë me numrin e lëndëve.
“Numri i gjyqtarëve dhe prokurorëve ka filluar të shtohet në 5 vitet e fundit dhe vazhdimisht po rritet, mirëpo me një trend të vogël. Krahasuar me 10 vitet më herët është shumë më mirë. Mirëpo, në Divizionin Civil në Prishtinë po edhe në të gjithë Kosovën është problematike, për shkak se është një numër jashtëzakonisht i madh i lëndëve, ndërsa numri i gjyqtarëve është tepër i vogël”, tha ai.
