Avokati, Skënder Musa ka komentuar publikimin e emrave të disa viktimave që pretendohet se janë vrarë ose zhdukur në rastin e Thaçit, Veselit, Krasniqit e Selimit.
Ai ka thënë se këta emra të viktimave janë përdor edhe në rastin kundër Haradin Balajt. Sipas avokatit Musa, nuk mund të përdoren të njëjtat viktima, në dy procese gjyqësore.
Po ashtu, Musa vlerësoi nuk ka ndonjë pasojë nga publikimi i emrave, pasi siç tha ai, në Kosovë veprojnë mjaftueshëm organet e sigurisë.
“Unë besoj fuqishëm që nuk do të ndodhë asgjë me këta emra të publikuar me familjarët e tyre, për shkak se në Kosovë veprojnë organet e sigurisë mjaftueshëm. Fakti që ish-krerët e UÇK-së, nuk akuzohen drejtpërdrejtë që kanë vrarë ndonjë person, tregon që Prokuroria në mungesë të provave përpiqet të krijojë një opinion kinse ka punuar mirë dhe drejt. Kjo tregon që ky rast nuk është hetuar në mënyrë meritore, sepse nuk mund të përdoren të njëjtat viktima, të njëjtat prova që janë shterë në një proces gjyqësor edhe ndaj personave të tjerë”, deklaroi Musa në emisionin “Ditari” në Tëvë1.
