Sonte në Tëvë1 Murtezaj foli për rifillimin e dialogut mes Kosovës dhe Serbisë duke potencuar se problemi kryesor është te qeveria e Serbisë, e cila sipas tij, deri më tani nuk është interesuar të shkëputet nga e kaluara dhe ta marrë seriozisht çështjen e dialogut.
“Sipas meje problemi kryesor është te qeveria e Serbisë e cila deri më tani nuk ka dhënë shenja të interesimit qoftë të shkëputjes nga e kaluara që ka pasur regjimi i mëhershëm i Serbisë dhe ta merr seriozisht çështjen e dialogut duke filluar nga gjesti më themelor human që është kërkimfalja për gabimet të cilat i ka bërë në të kaluarën Serbia. Atë nuk e kemi parë dhe kjo e vështirëson në masë të madhe një element tjetër që është i rëndësishëm në çfarëdo lloj procesi negociator që është aspekti i mirëbesimit”, tha ai.
Sipas Murtezaj, përkrahja amerikane për Bashkimin Evropian dhe për palët në procesin e dialogut nuk do të mungojë.
“Ajo çfarë mund të konkludojmë është që përkrahja amerikane për Brukselin dhe për palët në procesin e dialogut, pra për Kosovën dhe Serbinë do të jetë aty. Për Kosovën si strategji të negocimit apo të marrëdhënieve diplomatike, pas 10 viteve të këtij dialogu është që të punohet në një marrëvshje finale gjithpërfshirëve dhe ndoshta jo që të fragmenohen elemente të ndryshme apo copëza të marrëveshjes qoftë të kaluara apo atë që mund të ndodhin në vijim.Pra nevojitet një riangazhim urgjent dhe njohja e ndërsjelltë të jetë në qendër të kësaj marrëveshje. Pra nëse ky është elementi kryesor atëherë mendoj që pala kosovare, në këtë rast institucionet duhet të fokusohen në këtë dhe gjithashtu procesi duhet të jetë i mbushur me kreativitet, me propozime etj”, shtoi Murtezaj tutje sonte në Tëvë1.
