Sulmuesi i Kosovës, Vedat Muriqi pritet që shumë shpejtë të zyrtarizohet si lojtar i ri te skuadra e Fenerbahçes.
Zgjedhja e Aziz Yildirim në postin e presidentit të Fenerbahçes, ka hapur rrugën për transferimin e Muriqit nga skuadra e Mallorcas te gjiganti turk.
Muriqi ishte “pjesë” e kampanjës së Yildirimit për fitimin e zgjedhjeve te Fenerbahçe dhe pritet të jetë transferimi i parë në periudhën e tij të re në krye të klubit.
Mediumet në Turqi dhe Spanjë, kanë shkruar se Mallorca do të përfitojë rreth 16 milionë euro nga shitja e Muriqit, i cili me klubin spanjoll ka kontratë deri në vitin 2029.
Muriqi shkëlqeu në sezonin e fundit në kampionatin spanjoll, ku shënoi 23 gola por rënia e Mallorcas nga La Liga, ka bërë që sulmuesi kosovar të kërkojë sfidë të re.
Transferimi i Muriqit te Fenerbahçe mund të zyrtarizohet shumë shpejtë, pasi marrëveshja edhe është arritur mes palëve, ku “Pirati” do të firmos kontratë deri në vitin 2028, me opsionin e vazhdimit edhe për një vit tjetër.
