Gjykata Speciale e Republikës së Kosovës ka dënuar Murat Dernjanin me 20 vjet burgim për krime kundër njerëzimit, përfshirë dhunime dhe tortura ndaj grave dhe fëmijëve të komunitetit yazid në Raqa të Sirisë.
Akuzat përfshijnë:
-
Dhunimin dhe përdhunimin e grave yazide, përfshi edhe fëmijë;
-
Torturimin e viktimave dhe shkeljen e integritetit të tyre fizik dhe moral;
-
Krime të kryera me paramendim gjatë konfliktit në Siri dhe Irak.
Ky vendim është marrë pas një gjykimi me dyer të mbyllura, i nisur me aktakuzën e ngritur nga Prokuroria Speciale e Kosovës rreth 7 vite më parë, pas arrestimit të tij në Turqi në vitin 2018.
Dernjani, me shtetësi të dyfishtë (Gjermani/Kosovë), po ashtu është dënuar më parë në vitin 2019 me 5 vjet burgim për organizim dhe pjesëmarrje në grupe terroriste (ISIS), pasi kishte udhëtuar në Siri në vitin 2013 me familjen dhe ishte dorëzuar te autoritetet turke në gusht 2017
Bazuar në raportimet e mediave, ai konsiderohet si një nga pjesëtarët më brutalë të ISIS-it nga Kosova, i njohur për trajtimin mizor ndaj grave yazide, duke i mbajtur ato edhe në kushte skllavërie seksuale/Tëvë1.info/
