Leonardo Bonucci nuk bën më pjesë në planet e Juventusit dhe nuk është grumbulluar nga bardhezinjtë për miqësoret e verës, teksa gjasat janë që të largohet pa nisur sezoni i ri.
Së fundi mediat holandeze kanë raportuar për një interesim të Ajaxit për mbrojtësin veteran italian, i cili po merr kohë për të menduar në lidhje me ofertën e klubit holandez.
Tashmë në moshën 36-vjeçare, një eksperiencë jashtë Italisë dhe për më tepër në një klub që do të luajë edhe kompeticionet europiane, do të ishte padyshim pozitive për Bonuccin, i cili ka planifikuar tërheqjen verën e 2024-ës.
