Sipas tij, duke qenë se Kina dhe Rusia kanë të drejtën e vetos në Këshillin e Sigurimit të Organizatës së Kombeve të Bashkauara, ai tha se është në interes të tyre që të mos zgjidhet çështja e Kosovës.
“Emri OKB nuk të jep ty garanci, kur thua ti psh vjen Franca dhe thotë, shiko plani im është që ti Kosovë me u anëtarësu në OKB. Ajo është një vullnet i mirë, por nuk ta garanton ty Franca për arsye sepse Kina dhe Rusia kanë të drejtën e vetos. Mirëpo në të njëjtën kohë interesat e tyre në Ballkan janë që të mos zgjidhet çështja e Kosovës. Ky është shqetësimi që e kam te OKB-ja, dhe mosnënvlerësimi dhe mos të keqkarakterizohet se diskutimet tona duhet të jenë mbi bazën e përvojave që i kemi pasur deri tash dhe të shikohen gjakftohtë se ku janë interesat e vendeve tjera”, tha ai në emisionin “Këndi i Debatit”.
Më tej, Muja në Tëvë1 tha se nuk ka dyshim në përkrahjen e ShBA-së dhe BE-së ndaj Kosovës.
“Unë nuk e kam dyshimin fare në Shtetet e Bashkuara të Amerikës, as në shtetet e Bashkimit Evropian jemi dakord ne që ka njëfarë mirëkuptimi, një përkrahje të madhe për Kosovën. Tek OKB-ja, i ki dy vende të cilat unë besoj në interesat e tyre sidomos gjeostrategjike, është që të mos ketë zgjidhje të problemit të Kosovës, sepse Serbia bëhet relevante në Ballkan vetëm kur ka probleme dhe kjo është shqetësimi im sa i përket këtyre”, shtoi ai në emisionin “Këndi i Debatit”.
Këto deklarata i dha duke komentuar kërkesat ndërkombëtare për arritjen e shpejtë të marrëveshje mes Kosovës dhe Serbisë. /teve1.info./
