Bllokadat në Donbas të Ukrainës, Muja i krahasoi me bllokadat në veri të Mitrovicës, prandaj sipas tij, Kosova duhet ta marrë më seriozisht konfliktin mes këto dy vendeve.
“Sado që në Kosovë po thonë të mos merremi me Ukrainën, por në rast se Rusia mund të aneksojë territore përmes luftërave, kreaturave me njerëzit e gjelbër në Krime, bllokadat në Donbas njësoj si bllokadat në veri të Mitrovicës, pra nëse ata arrijnë të kenë sukses në zaptim të territoreve pas luftës së dytë botërore që ka përfunduar si mjet në marrëdhëniet mes shteteve, rrjedhimisht do jetë rrezik për çdo vend. Pra, dështimi i Rusisë në Ukrainë është tepër i rëndësishëm për Kosovën”, deklaroi Muja në emisionin “Këndi i Debatit”.
Deputetë dhe njohës të fushës së sigurisë në Kosovë kanë paralajmëruar se pushtimi rus në Ukrainë, mund të ketë ndikim në sigurinë e Kosovës, veçmas në pjesën veriore të vendit./Tëvë1.info/
