Kryetari i Komunës së Suharekës, Bali Muharremaj tha se në këtë takim ka bërë kërkesa lidhur me projektet që janë duke u zhvilluar.
“Ky është takimi i tretë me radhë që e mbajmë me kryeministrin Kurti. Kemi biseduar për problemet që i kanë komunat, për bashkëpunimin që kryetarët e komunave duhet të kenë me kryeministrin. E kemi kërkuar një bashkëpunim më të mirë me ministrat dhe i kemi bë kërkesat tona për projektet që janë në vazhdimësi”, tha Muharremaj në emisionin “Ditari” në Tëvë 1.
Tutje ai tha se nuk do të ankohet për mjetet që janë ndarë për komunën që ai udhëheq.
“Është e vërtetë që ka rritje të buxhetit por me mjetet që i kemi do të punojmë më pak se në vitin e kaluar, sepse ka pas rritje të çmimeve. Është nafta, hekuri, cementi, zhavorri. Buxheti është bë sa i përket numrit të banorëve dhe unë nuk jam ankuar. Ne do të mundohemi që më herët të fillojmë me punime dhe shpenzimet e buxhetit t’i bëjmë në mënyrë më racionale”.
Muharremaj shtoi se i ka bërë katër kërkesa për komunën me të cilën udhëheq.
