Muhamet Alidemaj është dënuar më 13 vite burgim për kryerjen e krimeve të luftës në Kosovë.
Vendimi është marrë të hënën në Gjykatën Themelore në Prishtinë, në procesin që ishte në rigjykim raporton Tëvë1.
“I akuzuari Muahmet Alidema e shpallet fajtor dhe e gjykon me dënim burgu në kohëzgjatje prej 13 viteve në të cilin dënim do të llogaritet koha e kaluar nën masën e paraburgimit”, u tha kryetari i trupit gjykues, Vesel Ismaili.
Alidemaj akuzohej për pjesëmarrje bashkë me forcat serbe në masakrën në fshatin Izbicë të komunës së Skenderajt në mars të vitit 1999.
Në këtë masakër ishin vrarë dhe masakruar 130 shqiptarë.
Alidemaj dy vite më parë ishte dënuar me 15 vjet burgim.
Ai kishte mohuar akzuat.
