Përmes njoftimit, MPJD ka bërë të ditur se pas trajtimit mjekësor, shtatë të lënduar janë liruar kurse një person vazhdon të mbahet për trajtim në Spitalin e Salzburgut.
“Ambasadori i Kosovës në Austri, z.Lulzim Pllana, ka shkuar menjëherë në vendin e ngjarjes dhe është duke ofruar mbështetjen e ambasadës tonë për të gjithë të lënduarit dhe familjet e tyre. Në Spitalin e Salzburgut, ndihmë mjekësore kanë kërkuar tetë persona, dhe pas trajtimit, shtatë prej tyre janë liruar, derisa një person vazhdon të mbahet për trajtim në këtë spital”, thuhet ndër tjerash në njoftim.
Tutje, Ministria theksoi se do të dalin me një njoftim më të detajuar lidhur me rastin, sapo të marrin informatat zyrtare./teve1.info/
