Ministria e Punëve të Jashtme dhe Diasporës ka bërë të ditur se të gjitha pikat e votimit në misionet diplomatike dhe konsullore të Republikës së Kosovës janë hapur sot në orën 07:00, duke u mundësuar qytetarëve të regjistruar jashtë vendit të marrin pjesë në procesin zgjedhor.
Përmes një njoftimi, MPJD u ka bërë thirrje bashkatdhetarëve që kanë përfunduar procedurat e regjistrimit për votim jashtë Kosovës, të shfrytëzojnë të drejtën e tyre kushtetuese dhe të kontribuojnë në procesin demokratik.
“Ftojmë të gjithë qytetarët e Republikës së Kosovës që janë regjistruar për të votuar jashtë vendit, të marrin pjesë në procesin zgjedhor dhe të ushtrojnë të drejtën e tyre demokratike për të votuar. Pjesëmarrja juaj në zgjedhje është një kontribut i rëndësishëm për demokracinë dhe të ardhmen e vendit tonë. Ministria e Punëve të Jashtme dhe Diasporës në koordinim me Komosionin Qendror të Zgjedhjeve, mbetet e përkushtuar për të siguruar mbarëvajtjen e procesit të votimit në të gjitha përfaqësitë diplomatike dhe konsullore të Republikës së Kosovës. Ju falënderojmë për angazhimin dhe kontributin tuaj të vazhdueshëm për Republikën e Kosovës”, thuhet në njoftim./teve1.info/
