Pasi partitë opozitare nuk po votojnë marrëveshjet ndërkombëtare, e ekzekutivi në anën tjetër po refuzon tu përgjigjjet atyre në pyetjet parlamentare. Kjo qasje e qeverisë nga monitoruesit e senacave të Kuvendit po vlerësohet si jo demokratike e në kundërshtim me Kushtetutën e Kosovës.
Pyetjet parlamentare që u bënë në seancën e së premtes së kaluar, shumë prej tyre mbetën pa përgjigje.
Kjo ngase kabineti qeveritar vendosi që të mos u përgjigjet atyre, derisa opozita të votoi marrëveshjet ndërkombëtare, që tash e sa kohë nuk po kanë votat e mjaftueshme që të kalojnë.
Këtë qasje të ekzekutivit, hulumtuesja në Institutin Demokratik të Kosovës, Violeta Haxholli po e quan jodemokratike.
“Kryeministri pati një qasje të ashpër ndaj deputetëve të partive opozitare, duke mos I’u përgjigjur atyre në pyetjet parlamentare. Kjo shkon në drejtim të kundërt me qëllimin që partia në pushtet dëshiron të arrijë…kjo shkon edhe nuk është fare në përputhje as me parimet demokratike dhe parimet kushtetuese, që kryeministri apo ekzekutivi t’u mos u përgjigjet Kuvendit, sepse kjo ka të bëjë me llogaridhënien e ekzekutivit ndaj Kuvendit dhe respektimin e tij si institucion kushtetues”, ka thënë Violeta Haxholli nga KDI.
Ndërkaq, situatën e krijuar në Kuvend e kritikuan edhe nga Instituti i Kosovës për Drejtësi.
Hulumtuesi, Naim Jakaj ndonëse vë në faj kabinetin qeveritar për arrogancë, nuk arsyeton as vendimet e opozitës.
“Një kushtëzim I tillë I kryeministrit të Kosovës është I padrejtë, jo demolratik dhe antikushtetues. Sipas nenit 97, qeveria është përgjegjëse politikisht për ti dhënë llogari kuvendit për mënyrën se si e drejton ajo vendin…… ky është problem në vete, problemi tjetër është se opozita nuk ka një spjegim të duhur pse ato nuk do duhej të votoheshin”, është shprehur Naim Jakaj nga IKD.
hPër të marr miratimin e plotë, votimi i marrëveshjeve ndërkombëtare duhet të marrë 2/3 e votave të deputetëve në Kuvend.
