Ai përmes një postimi në Facebook për këtë gjendje e ka fajësuar Qeverinë.
“Terri sot nuk është sikur ai i viteve të pas luftës. Na vjen me shije të propagandës: terri është i barabartë për të gjithë. Kosovës iu kthyen reduktimet pas afro 15 vitesh. Reduktime verës. Nëse dikush iu tregon se Qeveria s’ka faj, meqë kriza e çmimeve është globale, mos e kundërshtoni, vazhdojeni arsyetimin. Jo vetëm qe kriza është globale dhe e shkaktuar nga lufta e Ukrainës. Vetë lufta në Ukrainë është shkaktuar për t’i ngritur çmimet, ashtu që pas ngritjes së çmimeve Qeveria Kurti të ngulfatet nga brenda dhe të rrëzohet”, ka shkruar ai.
Molliqaj madje paralajmëroi edhe protesta nëse udhëzohet përdorimi i qebeve.
“Nëse asgjë nuk bjerë nga gjithë këto ngritje, kjo mungesë qeverinë e ka adresë. Diçka duhet me ra këtu, borxh nuk iu kemi. Udhëzimet për përdorim të qebeve, protestën kanë me pas si përgjigje”, ka thënë ai.
Molliqaj ka pyetur se si Shqipëria ka shpenzim më të madh verës dhe nuk ka reduktime.
“Kush po përballet me reduktime, meqë kriza qenka globale? Si bëhet që Shqipëria e ka shpenzimin më të madh verës, por atje s’ka reduktime. Pse nuk ka reduktime në Maqedoni, në Mal te Zi ose n’Serbi? Apo të gjithë janë pjesë e komplotit imperialist të bashkuar kundër Albinit?!”, ka shkruar më tej Molliqaj.
Tutje Molliqaj ka thënë se inflacioni në Kosovë është sikur në gjendje lufte dhe sipas tij Qeveria po rrinë e strukur.
“Inflacioni në Kosovë është sikur në gjendje lufte. Qeveria rrinë e strukur. Energjia është shtrenjtuar. Tash edhe reduktime. Shpejt pritet ngritja tjetër e energjisë. Çmimet e mallrave pastaj”, shtoi ai.
