Mjeku në emisionin “Ditari” në Tëvë1, ka thënë se çdo veprim i qeverisë që mendohet për qytetarët do të ndihmojë.
Ai foli edhe për kritikat e opozitës ndaj Qeverisë, ku tha se kritikat e tyre ishin kundërthënëse.
“Çdo veprim i qeverisë që mendohet për qytetarët do të ndihmojë. Kritikat e opozitës ishin gogja kundërthënëse, se njërën anë u quajt vendim populist e në anën tjetër vazhdoni zbatimin e këtij vendimi populist. Tash ose është i mirë dhe duhet të zbatohet në vazhdimësi ose është i keq e nuk bën me zbatu as tash. Pat një kundërthënie që e zbeh legjitimitetin e kritikës”, ka thënë Mjeku.
Sipas tij, Qeveria së pari ka punuar për ngritjen e të hyrave dhe kjo i ka mundësuar që të jap ndihmë të paprecedent në historinë e Kosovës.
“Ne do të dëshironim me marrë masa edhe më të thella po gjithçka shkon në përpjesëtim me mundësit e qeverisë. Ne kemi punuar së pari për ngritjen e të hyrave dhe kjo na ka mundësuar që me dhënë ndihmë të paprecedent në historinë e Kosovës. Është hera e parë që po shpërndajnë këtë efekt të rritjes edhe po e japin ndihmën në një kohë të cilën gjendemi në vështirësi”, tha Mjeku.
Sa i përket rritjes së pagës minimale, Mjeku thotë se nëse nuk arrihet konsensus i nevojshëm në Këshillin Ekonomiko-Social, pas miratimit të kësaj nisme legjislative do të jetë mundësia që vet ministri të propozojë rritjen e pagës.
“Tani do t’i ,mundësohet qeverisë që përkundër mungesës së bashkëpunimit brenda këshillit ekonomik social për ngritjen e pagës minimale të marrë vendim me propozimin e ministrit përkatës. Nëse nuk arrihet konsensusi i nevojshëm në këshillim ekonomiko-social, pas miratimit të kësaj nisme legjislative do të jetë mundësia që vet ministri të propozojë rritjen e pagës. Propozimi ynë ka qenë 8 korrik prej 170 në 264 bruto dhe njëkohësisht do të punojmë për mënjanimin e tatimit të ardhurave personale dhe kjo besoj që do të ndihmojë 100 mijë punëtorë e sa që jetojnë me pagë minimale”, tha Mjeku. /teve1.info/
