Skuadra kampione në basketbollin e Kosovës, Peja, ndeshjet e para në stinorin e ri do ti zhvilloj jashtë “Karagaqit”.
Kjo për faktin që në muajin gusht do të nisin punimet në përmirësimin e kushteve infrastrukturore në palestrën e sporteve “Karagaqi” në Pejë.
Për këtë arsye drejtuesit e skuadrës verdhezi në marrëveshje me Komunën e Rahovecit kanë vendosur që takimet e para sezonale ti zhvillojnë në palestrën “Mizair Isma”.
Burimet e përafërta me klubin kampion të Kosovës kanë bërë të ditur që në “Mizair Isma” skuadra e Pejës do t’i zhvillon edhe ndeshjet ndërkombëtare – Champions League dhe FIBA Europe Cup.
Në shtëpinë e pejanëve, në “Karragaqi” do të intervenohet në ngrohje dhe ndriçim.
Punimet janë paraparë të fillojnë me 5 gusht derisa klubet sportive pejane kthimin në “fole” e presin kah mesi i muajit tetor. //Teve1//
