Pesë dronë “Bayraktar” që prodhohen në Turqi, u raportua para disa javësh se kanë arritur në kazermat e Forcës së Sigurisë së Kosovës.
Televizioni ka insistuar të marrë përgjigje nga Ministria e Mbrojtjes se a kanë blerë dronë të tillë, por që për shkak të konfidencialitet nuk kanë dhënë informacione.
Megjithatë nga ky dikaster thanë për mediumin se investimet në ngritjen e kapaciteteve profesionale dhe operacionale po bëhen në vazhdimësi.
“Duke pasur parasysh natyrën e veçantë të ushtrisë dhe konfidencialitetit, jo çdo investim në këtë drejtim është për publikun. Megjithatë mund të pohojmë se investimet që kanë për qëllim ngritjen e kapaciteteve të ushtrisë në nivelin e standardeve të NATO-s janë duke ndodhur në koordinim të vazhdueshëm me partnerët tanë strategjik”, bën të ditur Liridona Gashi, këshilltare politike në Ministrinë e Mbrojtjes.
E paralajmërimet se Kosova mund të pajiset me dronë të tillë e kishte bërë edhe presidentja Vjosa Osmani e cila në shkurt të vitit që lam pas realizoi një vizitë në fabrikën e prodhimit në Turqi.
E anëtari i Komisionit për Siguri dhe Mbrojtje, vlerëson se janë të mirëseardhura blerje të tilla dhe se janë të domosdoshme për FSK-në.
Sipas tij, marrë parasysh situatën e sigurisë në rajon, duhet investuar më shumë edhe në kapacitete tjera ushtarake.
Kurse njohësi i çështjeve të sigurisë thotë se pajisja me armatime ushtarake të sofistikuara janë pjesë e Planit të Tranzicionit të FSK-së.
Buxheti për FSK-në këtë vit është më i larti ndonjëherë, ku janë ndarë gjithsej 100 milionë euro.
Kronika e realizuar nga gazetari Lindrit Zejnullahu.
