Qeveria në mbledhjen e saj ka miratuar pikën e dytë të rendit të ditës, atë të shqyrtimit të projekligjit për organizimin e tregut për produktet bujqësore.
Ministri i Bujqësisë, Faton Peci në fjalën e tij kërkoi miratimin e këtij projekligji, teksa tha se ky projektligj trajton harmonizimin e legjislacionit vendor me atë të Bashkimit Europian për organizimin e tregut për produktet bujqësore.
“Ky projektligj trajton harmonizimin e legjislacionit vendor me atë të Bashkimit Europian për organizimin e tregut për produktet bujqësore. Krijon mundësinë e rritjes së tregut për të gjithë akterët e përfshirë në sektorin e bujqësisë, përcakton zbatimin e rregullave të organizimit të tregut në Kosovë që do të ndihmojnë në rritjen e potencialit prodhues, sidomos në sektorin e hortikulturës por edhe në sektorë të tjerë”, tha Peci./.teve1.info/
