Këshilltari për media në Ministrinë e Punëve të Jashtme, Leutrim Sahiti, e ka konfirmuar për Teve1 se drejtorit të së ashtuquajturës Zyrë për Kosovë në Serbi, Petar Petkoviq i është ndaluar hyrja në Kosovë.
Sipas Sahitit, Petkoviqit i është ndaluar hyrja në Kosovë për të kremtuar festën e Vidovdanit për shkak të shkeljes së marrëveshjes për vizitat e ndërsjella.
Po ashtu atij nuk iu lejua që të hyjë në vendin tonë sepse sipas Sahitit, Petkoviq ka bërë deklarata propaganduese dhe ka përdorur gjuhë provokuese kundër Kosovës dhe qytetarëve të saj.
“Ju informojmë që personit në fjalë i është refuzuar vizita në Kosovë, për shkak të shkeljes së marrëveshjes për vizitat e ndërsjella, deklaratat propaganduese dhe gjuhën e tij provokuese kundër Kosovës dhe qytetarëve të saj” është shprehur ai.
