Mbrojtësi i krahut të djathtë, Sergino Dest, do të rikthehet te Barcelona në fund të këtij sezoni, ka bërë të ditur “Calciomercato” të premten. Kështu ka vendosur skuadra e Milanit, pasi nuk e ka ndërmend ta shfrytëzojë opsionin e blerjes së amerikanit.
Dest para fillimit të këtij sezoni u huazua për një vit te Milani, ekip që mund ta blejë për 20 milionë euro, por 22-vjeçari nuk ka bindur me paraqitjet e tij.
Ai këtë sezon nuk ka qenë titullar tek ekipi italian dhe deri më tani ka luajtur 14 ndeshje në të gjitha garat. Dest ka kontratë deri në vitin 2025 me Barcelonën, ekip të cilit iu bashkua në vitin 2020 nga Ajaxi.
