Niclas Fullkrug është praktikisht sulmuesi i ri i Milanit, profili i kërkuar për rolin e numrit 9 nga Massimiliano Allegri.
Klubi kuqezi ka arritur marrëveshje me West Ham për një huazim deri në fund të sezonit, me të drejtë blerjeje në vlerën 15 milionë euro. Palët kanë dhënë dritën jeshile që sulmuesi gjerman të udhëtojë drejt Milanos.
Fullkrug ka pranuar edhe një ulje të ndjeshme të pagës, duke rënë dakord për një kontratë prej 1,5 milionë eurosh në sezon. Objektivi i Milanit është që lojtarit t’i kryhen vizitat mjekësore para ose menjëherë pas Krishtlindjes.
Sulmuesi pritet të mbërrijë në qytet që në mbrëmje. Ai mund të jetë shpejt në dispozicion të Allegrit për stërvitjet e para. Debutimi i mundshëm është parashikuar për ndeshjen ndaj Cagliarit më 2 janar.
