Miftaraj ka thënë se Ministria e Arsimit aktgjykimin e gjykatës kushtetuese vetëm e zbaton, nuk e analizon.
Ai iu drejtua ministres së Arsimit, Arbërie Nagavcit duke i thënë se “me ditë ju me analizu, nuk e shkelni Kushtetutën ka të silleni”.
“Ministria e Arsimit aktgjykimin e gjykatës kushtetuese vetëm e zbaton, nuk e analizon! Me ditë ju me analizu, nuk e shkelni Kushtetutën ka të silleni”, ka shkruar ai në një postim në Facebook.
Sipas tij, pushtetarët duhet të jenë shembull i zbatimit dhe respektimit të vendimeve të Kushtetueses.
“Filloni të silleni në mënyre institucionale dhe të kuptoni se Gjykata Kushtetuese është e Republikës se Kosovës, dhe ju që jeni në pushtet duhet të jeni shembull i zbatimit dhe respektimit të vendimeve të saj”, tha Miftaraj.
Ndryshe, sot Gjykata Kushtetuese ka hedhur poshtë vendimin e Ministrisë së Arsimit me anë të së cilit i jepej të drejtë organizimit të mësimit alternativ të përshpejtuar dhe përcaktimit të organizimit të mësimit në objektet shkollore në komunën e Kamenicës. /teve1.info/
