Chelsea dhe Benfica janë dy skuadrat e para që kanë “prerë” një biletë për në çerekfinale të Ligës së Kampionëve.
Chelsea mposhti Dortmundin në Stamford Bride 2:0, derisa në përgjithësi 2:1. Blutë shënuan nga një gol në çdo pjesë. Me Sterling 41′ shkuan në pushim të pjesës së parë, derisa në pjesën e dytë Havertz shënoi nga pika e bardhë, vetëm pas herës së dytë.
Gjyqtari e përsëriti penalltinë, pasi në momentin e parë futbollistët u futën në zonë parakohe, duke i dhënë mundësi të dytë futbollistit gjerman i cili nuk gaboi në herën e dytë.
Në çerekfinale të Ligës së Kampionëve, ka marshuar edhe Benfica e cila ka triumfuar në ndeshjen e dytë 5:1 ndaj Club Brugge, kurse ai i përgjithshëm nga të dy ndeshjet, 7-1.
Ramos shënoi dy gola, Rafa Silva, Joao Mario dhe Neres shënuan nga një për Benfican, kurse Meijer shënoi ‘golin e nderit’ për mysafirët.
