Për herë të dytë, erdhi për vizitë rajonale.
Nga e hëna, udhëtoi drejt vendeve të Ballkanit Perëndimor.
E presidenti i Këshillit Evropian, Antonio Costa ditën e tretë, të mërkurën ishte në Kosovë.
Pas takimeve me krerët e shtetit dhe partitë opozitare, Costa mbajti konferencë për media.
Politologu Albinot Maloku tha se mesazhi ishte më i qarti për Kosovë.
Sipas tij, Costa tha se pavarësisht vullnetit të BE-së për integrim, kjo varet nga kryerja e detyrave si shtet.
“Mesazhi thelbësor që ishte në Kosovë ishte që të kryhen detyrat e shtëpisë nga lidershipi në vend, për rrjedhojë detyrat e shtëpisë përfshiheshin të ndara në pika, duke e përshi kryesoren normalizimin e raporteve me Serbinë që ishte gati gati thelbi i të gjithë mesazhit dhe më pastaj institucione stabile dhe funksionale, krijim të institucioneve në Republikën e Kosovës, për rrjedhojë ishin mesazhet gati prej të gjitha vendeve në Kosovë më të sqaruara, dalloheshin”, vlerëson Maloku.
Costa e vizitoi edhe Republikën e Shqipërisë.
Sipas njohësit të politikës nga Tirana, Ben Andoni edhe atje pati mesazhe për kryeministrin, Edi Rama.
“Për vendet si Shqipëria dhe Mali i Zi thjesht është dhënë garanci por i është kujtuar qeverisjeve të tyre, sidomos zotëri Ramës që të mos të përdori pjesën e integrimit për pjesën e politikave të brendshme, dhe Shqipërisë i është kujtuar pjesa e korrupsionit, pjesa e drejtësisë, pjesa e krimit të organizuar etj. Ndërkohë që gjuha teknike e Brukselit i mbulon të gjitha aspektet politike”, thotw ai.
Andoni foli edhe për mesazhet në tërë turin e tij.
“Brukselit i intereson normalisht me çfarë shikohet nga kjo vizite dhe të paktën nga ajo që u pa nga zotëri Costa, që ne mos të shtojmë shqetësimet për Brukselin zyrtar dhe sepse edhe pa këto, sepse Ballkani është i vogël por shqetësimet i sjellë të mëdha, sepse ju e dini Evropa po përplaset me probleme të jashtëzakonshme, flitet për ikjen e trupave amerikane nga Polonia, ju e dini që Polonia është afër vendeve baltike që janë të kërcënuara direkt nga Rusia, nga ana tjetër problemet me Ukrainën vazhdojnë dhe po shtohen”, shprehet ai.
Para Kosovës, ai e vizitoi Bosnje e Hercegovinën, Maqedoninë e Veriut e Shqipërinë.
Ndërsa, vizitën pritet të përfundoj në Serbi të enjten dhe të premten në Mal të Zi.
