Po i kryejnë edhe procedurat e fundit. Këta dhjetëra besimtarët po nisen për në udhëtimin më të rëndësishëm në jetën e tyre, për në Haxh. E emocionet e kësaj dite po thonë se janë të papërshkrueshme.
“Është hera e parë kemi emocione jashtëzakonisht të gëzueshme. E kemi prit këtë ditë me shku, ka ardh vakti do të shkojmë kësmet”, tha besimtari Ejup Gashi.
Për besimtarin Shyqyri Gashi, ky udhëtim ka një domethënie edhe më të veçantë.
“Emocione të papërshkrueshme, shyqyr që ma ka mundësuar Zoti me shku. Para dy vitesh, isha për vete në Haxh bashkë më shoqen time edhe kjo është haxhike. E kësaj radhe po shkoj për babin tim, po shkoj bedel inshaAllah Zoti na e mundëson me e kryer sa më mirë edhe sa më lehtë të gjitha obligimet që i kemi borxh për këtë rrugë”, tha besimtari Shyqyri Gashi.
Pak minuta para këtij rrugëtimi, emocionet e kapluan edhe Asllan Sinanin.
“E treta herë tani po shkoj bedel për babën inshaAllaha. Në 2023 jam kanë për vete, në 2024 për nënën tash ka dashtë Allahu për babën. Ndjenja s’kemi çka folim për ndjenja sidomos për prindër kur shkon njeri është kulmi i mirësisë. Kështu që e lus Allahun që kush nuk u kanë me vizituar këtë vend të bekuar se ballafaqohesh me realitetin e jetës”.
Emocione të shumta kishin edhe familjarët që erdhën për t’i përcjell më të dashurit e tyre.
“Kënaqësi shumë e madhe, ka qenë para disa viteve. Po ishte vet, ishte udhëheqës ka pasur të lodhur, ka pasur pleq, por tash është shumë një kënaqësi e madhe se po shkon vet i katërtit vëlla. Është kënaqësi e madhe nuk janë të vjetër, janë të shëndosh secili i zoti i vetit, kësaj radhe ka me u kënaq”, familjare Sevdije Ademi.
Ditëve në vazhdim rrugën drejt vendeve të shenjta pritet të marrin edhe shumë besimtarët të tjerë.
