“Po vijnë provokatorët: Xhaka dhe Shaqiri vijnë në Serbi, policia do t’i ruajë në çdo hap”, kështu e ka titulluarë sajti serb “espreso.rs” ardhjen e dy shqiptarëve në Novi Sad që do të qëndrojnë për dy ditë aty.
Ndeshja e cila zhvillohet në Novi Sad është në kuadër të kualifikueseve për Evropianin 2024, dhe Bjellorusia është nikoqire e Zvicrës, pasi që këtij shteti nuk i lejohet të luajë në territorin e saj shkak përfshirjes në luftën me Ukrainën.
Stadiumi pritet të jetë i rrethuar nga policë të shumtë, ndonëse ndeshja do të zhvillohet pa praninë e publikut dhe akreditimi për gazetarë nuk do të jetë i mundur. Vëmendja tek ne shqiptarët është pikërisht të futbollistët shqiptarë, që dy herë ishin protagonistët kryesorë që eliminuan Serbinë nga Botërori në Rusi 2018, dhe Katar 2022.
Si Xhaka edhe Shaqiri ishin pre e fyerjeve nga huliganët serb në Rusi 2018, por edhe në Katar 2022 ishin pre e provokimeve të shumëta treshja Xhaka – Shaqiri – Jashari. Në Katar, Shaqiri shkëlqeu me një ndeshje fantastike, gjë të tillë bëri Xhaka por ajo se çfarë i “djegu” me shumë ishte në fund festa e Xhakës me fanellën që mbrapa saj shkruante Jashari, e që kjo fanellë ishte e Ardon Jasharit.
Futbollistët shqiptarë pa asnjë dyshim nuk do të pritën edhe aq mirë në Serbi, pavarësisht se për rreth tyre do të jenë policë e sigurim mjaftë i madh.
