Pas largimit nga zona e kufizuar me katër mure, pritet të marrin shërbime speciale.
Për personat që kryejnë dënimet për veprat e dhunimit të të gjitha llojeve, është duke u hartuar një udhëzim administrativ.
Ministria e Drejtësisë është duke hartuar programe të veçanta rehabilituese, që kanë si objektiv që personi që vuan dënimin të dalë i dobishëm për shoqërinë dhe familjen, duke mos e përsëritur dhunën.
Nevojën e një udhëzimi të tillë e ka mbështetur edhe avokati, Gent Gjini.
Sipas tij, duhet fokusuar sidomos tek personat që për veprat e dhunimit marrin dënim me kusht.
Ndërkohë kjo nismë po kundërshtohet nga KMDLNJ.
Sipas drejtuesit të këtij institucioni, mjafton fuqizimi i mekanizmave ekzistues për trajtimin e të liruarve nga dënimi për vepra penale të dhunimit.
Ky udhëzim administrativ pritet të jetë i gatshëm për procedim, deri në fund të këtij viti.
Kronika e realizuar nga gazetarja, Florjeta Dernjani
