Deri në ora 18:00 në Komunën e Preshevës kanë votuar mbi 15 mijë qytetarë, apo rreth 34.24 për qind, ka njoftuar “Presheva.al”.
Shqiptarët e Luginës në zgjedhjet parlamentare në Serbi po garojnë me listën e përbashkët “Koalicioni Shqiptar”. Vendvotimet mbyllen në ora 20:00.
Në Medvegjë dalja ka arritur në rreth 30 për qind, ndërsa në Bujanoc deri në ora 16:00 dalja ishte rreth 28 për qind.
Ndërsa, deri në orën 19:00 në gjithë Serbinë dalja ka qenë 67.6%.
Në këto zgjedhje janë raportuar edhe parregullsi, për përleshje në disa vendvotime.
Ndërsa, siç kanë raportuar mediat në Serbi, Vuçiq po përgatit xhandarmërinë për të ndaluar protestën e eventuale të studentëve sonte.
Ndërsa, analistja amerikane Ivana Strander ka thënë se Vuçiq po përdor taktikat e frikësimit njësoj sikurse Millosheviqi në vitet e 90-ta.
Por, sipas saj sonte serbët janë të gatshëm të kundërshtojnë.
