Kanë kaluar më shumë se 30 minuta nga koha e paraparë për vazhdimin e seancës konstituive të Kuvendit të Kosovës, e cila ishte caktuar të rifillonte në orën 14:00, por punimet ende nuk kanë nisur.
Aktualisht, në sallën e Kuvendit janë të pranishëm disa deputetë të Lëvizjes Vetëvendosje dhe të Lidhjes Demokratike të Kosovës.
Ndërkohë, Partia Demokratike e Kosovës ka bërë të ditur se nuk do të marrë më pjesë në seancat e Kuvendit, pas zhvillimeve lidhur me zgjedhjen e nënkryetarëve.
Seanca konstituive mbetet e papërfunduar, ndërsa në rend dite është zgjedhja e nënkryetarëve të Kuvendit.
Vazhdimi i saj ishte paraparë për orën 14:00, por edhe pas më shumë se gjysmë ore pritje, deputetët ende nuk janë ulur për të vazhduar punimet.
