Rreth 27,724 shtetas të Kosovës të regjistruar për votim fizik jashtë vendit kanë mundësinë të ushtrojnë të drejtën e votës sot (e shtunë) në përfaqësitë diplomatike të Kosovës.
Procesi i votimit nis nga ora 07:00, varësisht nga zona kohore dhe lokacioni i përfaqësive diplomatike, ndërsa qendrat e votimit do të qëndrojnë të hapura deri në orën 19:00.
Për zgjedhjet e 7 qershorit janë organizuar 47 vendvotime në 17 ambasada dhe 13 konsullata të Kosovës, të shpërndara në 18 shtete të ndryshme.
Sipas të dhënave të Komisionit Qendror të Zgjedhjeve (KQZ), numri i qytetarëve të regjistruar për të votuar fizikisht në misionet diplomatike arrin në 27,724./teve1.info/
