Shitjet globale të automjeteve elektrike (EV) pritet të kalojnë njëzet milionë milionë këtë vit, duke përbërë më shumë se njëzet e pesë për qind të të gjitha automjeteve të shitura, sipas një raporti nga Agjencia Ndërkombëtare e Energjisë (IEA) të mërkurën.
Shitjet globale të automjeteve elektrike vazhdojnë të rriten pavarësisht pasigurive në ekonominë globale dhe presioneve mbi sektorin e automobilave, sipas raportit Global EV Outlook, shkruan AA.
Ndërsa shitjet globale tejkaluan shtatëmbëdhjetë milionë në vitin dymijë e njëzet e katër, pjesa e tregut e këtyre automjeteve tejkaloi njëzet për qind për herë të parë.
Kina ruajti udhëheqjen e saj në treg, duke përbërë më shumë se gjysmën e shitjeve të vitit të kaluar. Njëmbëdhjetë milionë automjete elektrike të shitura në Kinë vitin e kaluar ishin të barabarta me numrin total të automjeteve elektrike të shitura në të gjithë botën në vitin dymijë e njëzet e dy.
Shitjet e automjeteve elektrike në tregjet në zhvillim në Azi dhe Amerikën Latine gjithashtu u rritën me gjahtëdhjetw për qind vitin e kaluar.
Në SHBA, shitjet u rritën me 10% nga viti në vit, ndërsa ato mbetën të pandryshuara në Evropë ndërsa stimujt dhe politikat mbështetëse u dobësuan.
Dy të tretat e automjeteve elektrike të shitura në Kinë vitin e kaluar kishin çmime më të ulëta se automjetet konvencionale, pavarësisht mungesës së stimujve për blerje, por hendeku midis çmimeve të automjeteve elektrike dhe konvencionale mbeti i madh në shumë vende.
Në tre muajt e parë të këtij viti, shitjet e automjeteve elektrike u rritën me tridhjetë e pesë për qind nga viti në vit. Me rritjen e vazhdueshme, shitjet totale të automjeteve elektrike pritet të kalojnë njëzet milionë këtë vit.
“Automjetet elektrike mbeten vazhdimisht më të lira për t’u operuar në shumë tregje, bazuar në çmimet aktuale të tregut të energjisë. Edhe nëse çmimet e naftës do të binin deri në dyzet dollarë për fuçi, drejtimi i një makine elektrike në Evropë nëpërmjet karikimit në shtëpi do të kushtonte rreth gjysma e çmimit të një makine konvencionale me çmimet e sotme të energjisë elektrike për banesa”, thuhet në raport.
Rritja ekonomike globale, zhvillimi i tregtisë dhe politikat industriale mund të ndikojnë në perspektivën për sektorin e automjeteve elektrike, por shitjet po mbështeten nga çmimet e automjeteve elektrike që bëhen më të përballueshme.
“Të dhënat tona tregojnë se, pavarësisht pasigurive të konsiderueshme, makinat elektrike mbeten në një trajektore të fortë rritjeje në nivel global. Shitjet vazhdojnë të vendosin rekorde të reja, me implikime të mëdha për industrinë ndërkombëtare të automobilave”, tha Drejtori Ekzekutiv i IEA-s, Fatih Birol.
“Këtë vit, ne presim që më shumë se një në katër makina të shitura në mbarë botën të jenë elektrike, me rritjen që po përshpejtohet në shumë ekonomi në zhvillim. Deri në fund të kësaj dekade, pritet të jenë më shumë se dy në pesë makina, pasi automjetet elektrike po bëhen gjithnjë e më të përballueshme”, shtoi ai.
