Tash e dy ditë është pjesëmarrës i këtij panairi.
E në këtë panair, i cili ka për qëllim promovimin e prodhuesve lokal, Erlis Krasniqi po përfaqëson biznesin e tij familjar.
“Jemi me firmë ‘Gastroprodukt”, është një biznes familjar në Prizren që e bëjmë prodhimin e erëzave dhe salcave. Jemi kthyer në Kosovë, kemi investuar këtu tash jemi me produktet më të mira e më cilësore. Jemi avantazh më shumë se bio është nuk kemi koncentrat të shtuar diçka që e dëmton shëndetin e njeriut”, u shpreh Erlis Krasniqi.
Ai thotë se për t’u rritur prodhimi, kanë nevojë për më shumë përkrahje nga shteti.
“Kemi nevojë me na ndihmuar shteti, me marr tenderë, makina më të reja për me u rrit prodhimi. Prej fillimit e deri më fund jemi me fuqitë tona. Për me dërguar diku jashtë në Evropë e për me depërtua duhet me i pas edhe makinat me kapacitet shumë më të fortë e më të lartë që me pas unë prodhimtarinë shumë më të madhe”, tha ai.
Në këtë panair, po merr pjesë edhe një kompani e cila merret me përpunimin dhe grumbullimin e bimëve mjekësore aromatike dhe frutave të malit.
“Mendojmë se duhet e u përkrah se bujqësia është resursi që mendoj që Kosova e ka më të përshtatshmin për me arrit sukses. Me konsumua më shumë produkte vendore se në këtë formë edhe i ndihmojnë kompanitë të cilat merren me këto punë edhe me të vërtetë në Kosovë ka produkte të mira të cilat ia vlen me u konsumuar”, tha Lavdim Leka.
Ndërkaq, një tjetër biznes që merret me kultivimin e kërpudhave, i cili eksporton jashtë vendit, thonë se në Kosovë mungon kultura e konsumit të këtij produkti.
“Në Kosovë është numër i vogël i kërkesave për arsye se nuk e njohin ndoshta si kërpudhë shumë, nuk e njohin as si produkt dhe hezitojnë me e marr. Janë mësuar me marr një lloj të kërpudhës tjetër, sasi e vogël shitet në Kosovë, por jo shumë”, u shpreh Nehat Bahtiri drejtor i fabrikës.
Panairi më i madh ndërkombëtar në sektorin e bujqësisë dhe agrobiznesit në Kosovë, AGROKOS & Agroturizëm është hapur të martën në Prishtinë.
