Ecje bëjnë çdo ditë.
Por kjo e ditës së diele ishte më e veçantë.
Bjeshkatarë e pjesëmarrës të shumtë iu bashkuan marshit të Paqes “Bllaca 99” të organizuar nga Unioni i Shoqatave Bjeshkatare Shqiptare nga Maqedonia e Veriut.
Ani pse në kushte të vështira atmosferike, të gjithë këta marshues që u nisën nga Kaçaniku, e që ia mësyen maleve të Hanit të Elezit, cak e kishin qendrën përkujtimore të dëbimit të shqiptarëve në Bllacë.
RIDVAN AZIZI- BJESHKATAR 00:30-00:36
“Unë ndjena shumë mirë se e ndjej edhe Kosovën të lirë dhe popullin e Kosovës të lirë e për këtë ndjehem mirë”, u shpreh Ridvan Azizi, bjeshkatar.
“Marshi paraqet kënaqësi ta përshkojmë atje shtegut ku vëllezërit tonë kosovarë kanë qenë të dëbuar nga policia dhe ushtria gjenocidiale e Serbisë”, tha Dehar Mustafi, bjeshkatar.
E dikush po kërkon që ky marsh të bëhet tradicional.
“Duhet të behët tradicionale kjo punë për arsye se duhet të ju përkujtohet edhe gjeneratave të reja që nuk e kanë përjetuar këtë, që ky popull në një moment të caktuar ishte i obliguar të lë pasurin e shtëpinë, të merr kokën në dorë e të del maleve për të shpëtuar”, shprehet Azem Qajani
Në radhët e gjata të refugjatë, në prillin e 99’tës ishte edhe Sherife Luta me familjen e saj.
“Është kanë një rrugë e ngushtë, kështu është kanë tu ra borë sikur se sot që po bjen. Jemi kanë të rrezikuar se vajzën nën stop në gji e kam pas gjatë udhëtim, shumë kemi hek, e ato heka nuk mundem me i harru deri në momentin e vdekjes, se është kanë një tragjedi shumë e madhe”, thotë ai.
Nga këtu, gjithë këta pjesëmarrës u bënë pjesë e manifestimit kryesor në Shtëpinë e Kulturës në Hanin e Elezit.
“Sot ju ka ftuar kujtesa e kaluara e hidhur, vuajtjet sakrificat e nënave e motrave tona, e fëmijëve e pleqve e të sëmurëve ku para 26 vitesh në këtë vend në Bllacë mijëra shqiptarë të dëbuar dhunshëm nga okupatori fashist serb qëndruan me ditë të tëra në shi e të ftoftë të uritur e të frikësuar”, tha Fahri Rexhepi nga shoqata e bjeshkatarëve në Maqedoninë e Veriut.
Disa fjalë për eksodin e shqiptarëve të Kosovës, kishte edhe kryetari i komunës, Mehmet Ballazhi.
“Është kënaqësi shumë e madhe për mua, të ju pres këtu si kryetar i Komunës në një numër kaq të madh për të përkujtuar një ditë shumë të rëndësishme të prillit, kur ndodhi golgota shqiptare. Unë e kam quajtur edhe Holokausti i shqiptarëve”, u shpreh kryetari i komunës.
Në fund të këtij organizimi u ndan mirënjohje për pjesëmarrësit në marsh.
Më shumë se dy dekada më parë, rreth një milion shqiptarë u detyruan nga forcat paramilitare serbe të shpërnguleshin në Shqipëri dhe Maqedoni.
