Shtëpia e futbollit botëror, FIFA, ka caktuar organizatorët e Kampionatit Botëror të vitit 2030 dhe 2034.
Në kongresin e jashtëzakonshëm të FIFA-s, është vendosur për shtetet organizatore të Botërorit.
Arabia Saudite do të jetë nikoqire e Botërorit 2034, ndërsa Botërori i vitit 2030 do të mbahet në Marok, Spanjë dhe Portugali.
Ky vendin është konfirmuar edhe nga kreu i FIFA-s, Gianni Infantino pasi të dyja këto ngjarje e kishin vetëm nga një ofertë dhe janë aprovuar me aklamacion.
Oferta e propozuar për organizim të përbashkët nga Maroku, Spanja e Portugalia, do ta shoh Botërorin 2030 të mbahet në tri kontinente dhe gjashtë shtete, pasi Uruguai , Paraguai dhe Argjentina do të organizojnë ndeshje jubilare të këtij eventi.
Uruguai ka qenë organizator i Botërorit 1930, ndërsa edhe Argjentina e Spanja e kanë organizuar këtë ngjarje.
Ndërkohë, Maroku, Portugalia dhe Paraguai do të jenë për herë të parë organizatorë.
Arabia Saudite do të jetë vendi i dytë nga Lindja e Mesme që do të jetë nikoqire e Botërorit, pas Katarit që e organizoi në vitin 2022.
