Ministri në detyrë i Mbrojtjes, Ejup Maqedonci ka thënë se marrëdhëniet në fushën e mbrojtjes me Turqinë janë të rëndësishme, duke shtuar se ka shembuj konkretë nga bashkëpunimi i dy vendeve.
Ai kështu është shprehur pas diplomimit të pesë kadentëve nga Kosova në Turqi, në ceremoninë që u mbajt në shënimin e Ditës së Fitores së Turqisë.
Maqedonci, poashtu ka njoftuar se gjatë ceremonisë së kadetëve kosovarë u takua edhe presidentin e Republikës së Turqisë, Recep Tayyip Erdoğan, si dhe Ministrin e Mbrojtjes Kombëtare, Yaşar Güler
“Marrëdhëniet ndërmjet Kosovës dhe Turqisë në fushën e mbrojtjes janë të rëndësishme dhe bashkëpunimi ynë në edukimin dhe përgatitjen e kuadrove të reja ushtarake është një nga shembujt konkretë të këtij bashkëpunimi. Një moment i veçantë ishte diplomimi i pesë kadetëve tanë nga Kosova. I përgëzova për përkushtimin, disiplinën dhe suksesin e arritur gjatë studimeve, duke u uruar një karrierë të suksesshme në shërbim të vendit”, ka shkruar Maqedonci.
