Ministri i Mbrojtjes, Ejup Maqedonci ka njoftuar se në përmbyllje të vizitës në ShBA, e ka vizituar fabrikën “Sikorsky – Lockheed Martin”, ku siç ka thënë prodhohen helikopterët Black Haëk, që do të jenë në flotën e mbështetjes ajrore të ushtrisë së Kosovës.
Maqedonci ka treguar se së bashku me komandantin e FSK-së, gjeneral Bashkim Jashari me menaxhmentin e kësaj kompanie kanë diskutuar për opsionet e përfshirjes së helikopterëve në inventarin e Forcës së Sigurisë së Kosovës.
“Në përmbyllje të vizitës në ShBA, e vizitova fabrikën “Sikorsky – Lockheed Martin”, ku prodhohen helikopterë të ndryshëm, ndër të cilët edhe helikopterët Black Haëk, që do t’i kemi në flotën e mbështetjes ajrore të ushtrisë së Kosovës. Së bashku me Gjenerallejtënant Bashkim Jasharin dhe Ambasadorin Blerim Reka, shef i Misionit të Konsullatës së Përgjithshme të Kosovës në Neë York, e takuam menaxhmentin e kësaj kompanie, ku diskutuam për opsionet e përfshirjes së helikopterëve në inventarin e Forcës së Sigurisë së Kosovës. Kosova do të jetë më e sigurtë me helikopterët që fluturojnë mbi qiellin e saj”, ka shkruar ai në Facebook.
