Zëdhënësi i Vetëvendosjes, Arlind Manxhuka, ka shkruar se partitë opozitare që dikur qeverisnin me vendin, në dialogun me Serbinë kanë vepruar në kundërshtim me thirrjet e VV-së dhe Kurtit.
Kësisoj sipas Manxhukës janë nënshkruar lëshime të mëdha për vendin.
“Pra, ata që i krijuan borxhe Kosovës duan të amnistojnë veten duke shpresuar që Kurti ua përmirëson gabimet. Në fakt, sot në dialog me Serbinë e vetmja sfidë për Kosovën është pikërisht e kaluara e saj, trashëgimia në dialog”, ka shkruar ai.
Sipas Manxhukës partitë opozitare veçse po e konfirmojnë se VV kishte të drejtë atëherë.
“Nëse dikur VV e kishte të saktë ekuacionin, sot e ka edhe proven”, ka përfunduar ai.
