Manchester City ka shkërrmoçur në “Etihad Stadium” Arsenalin e Granit Xhakës me rezultatin 4:1. Kjo ndeshje i takoi xhiros së 33-të të Premier Leagues angleze.
Të udhëhequrit e Pep Guardiolës dhuruan paraqitje mbresëlënëse dhe fituan me meritë takimin. Kevin de Bruyne shënoi dy gola me asistim të Erling Haalandit që shënoi edhe vetë në këtë takim, ndërsa tjetrin gol e realizoi John Stones.
De Bruyne realizoi në minutën e shtatë, Stones në minutën e parë të shtesës në pjesën e parë, kurse golin e dytë personal në ndeshje dhe të tretin për Cityn, mesfushori belg De Bruyne e shënoi në minutën e 54-t.
Arsenali ngushtoi epërsinë në minutën e 86-të nëpërmjet Rob Holdingut, por kjo ishte e tëra që skuadra e Mikel Artetas arriti të bënte në këtë takim. City shënoi edhe një herë tjetër me Haalandin, për të cilin ishte goli i 33-të i këtij edicioni të Premier Leagues.
Granit Xhaka pati një moment nervozizmi pas një ore lojë dhe u zëvendësua. City me këtë fitore tani ka 73 pikë në vendin e dytë, dy më pak se Arsenali lider. Ndeshjet e mbetura të “qytetarëve” janë kundër West Hamit në shtëpi, dhe kundër Brightonit në udhëtim.
