Manchester City po i qëndron në hije Arsenalit në Premierligë, ndonëse fitoi me vështirësi në udhëtim ndaj Crystal Palace 1:0, në kuadër të xhiros së 27.
Pjesa e parë e ndeshjes u karakterizua me lojë më të mirë të Cityt, për një nuancë, por pa shumë raste të rëndësishme për gol. Në pjesën e dytë, City rriti nivelin e rasteve dhe arriti ta gjej edhe golin e vetëm dhe të fitores.
Goli i fitores në këtë ndeshje erdhi në minutën e 78-të me anë të Erling Haaland, i cili shënoi nga penalltia për rezultatin përfundimtar 1-0.
Pas kësaj fitore, City e sheh veten në pozitën e dytë me 61 pikë apo dy më pak se Arsenali, ndërsa Crystal Palace zë vendin e 12-të me 27 pikë.
