Ministrja shqiptare e Shëndetësisë, Ogerta Manastirliu pas mbledhjed së Qeverisë së Shqipërisë ka deklaruar se ende ka raste infektimi me këtë virus dhe është siguruar furnizim në vazhdim me vaksina.
“Kemi një marrëveshje me kompaninë Pfizer për të siguruar që dozat e para blera, që janë rreth 700,000, do të jenë vaksina të adaptuara për variantet e reja të koronavirusit”, tha ministrja.
Në një adresim për media, ajo bëri të ditur se Qeveria ka vendosur që me buxhetin e 2023-ës të mbështesë gratë me tre apo më shumë fëmijë, ku njëri prej fëmijëve është deri në moshën 5 vjeç dhe të ardhurat familjare mujore nuk kalojnë 100,000 lekë.
“Është një mbështetje financiare në kuadër të një politike të qëndrueshme për nënat e papuna që kujdesen për fëmijët”, tha ajo.
