Ish-futbollisti i Hamburgut në Gjermani i cili erdhi bujë te Ferizaj, Valmir Nafiu, ditë më parë u largua nga skuadra e “ujqve”, por sot u zyrtarizua te Malisheva.
Klubi i Superligës e ka prezantuar të shtunën futbollistin e ri, të cilin e kanë vlerësuar si një mesfushor me përvojë dhe kreativ.
“Me kënaqësi ju prezantojmë ardhjen e parë, emrin e njohur, mesfushorin me përvojë, Valmir Nafiu.
Një vlerë e shtuar për ne. Një energji e re, që mesfushës sonë do t’i shtoj cilësinë, kreativitetin dhe përvojen e duhur.
Nafiu vjen me një bagazh të madh, pasi që bëri historitë e la gjurmë të pa shlyera në nivelet me të larta.
Te Hamburgu tregoi nivelin e tij të lartë, ndërsa me KF Shkëndija bëri histori për disa vite në kampionat dhe garat europiane, si dhe shumë klubeve tjera, ndërsa së fundi ishte pjesë e FC Ferizaj.
Ky është një hap i yni drejt rritjes së cilësisë për të qenë sa më të përgatitur për rrugën përpara”, ka shkruar FC Malisheva në Facebook.
