Presidenti i Francës, Emmanuel Macron, ka thënë se ka folur me presidentin serb, Aleksandar Vuçiq, për dialogun Kosovë-Serbi.
Presidenti i Francës, Emmanuel Macron ka thënë se dënon çdo veprim të njëanshëm që dëmton dialogun Kosovë- Serbi.
Ai këtë ia ka thënë presidentit të Serbisë në një bisedë që kanë zhvilluar të dielën ku ka theksuar rëndësinë e dialogut mes dy palëve.
“I përsërita atij bindjen time se e ardhmja e Serbisë është evropiane dhe shpresën që ajo të mund të ecë përpara, në një frymë dialogu, në rrugën e reformave dhe të anëtarësimit. Rivlerësuam marrëdhëniet mes Serbisë dhe Francës dhe vendosëm t’i forcojmë më tej bashkëpunimet tona. Diskutuam gjithashtu gjerësisht për situatën në rajon. Ritheksova rëndësinë e dialogut mes Serbisë dhe Kosovës dhe dënimin tonë për çdo veprim të njëanshëm që mund ta dëmtojë atë”, ka shkruar ai në X.
Macron thotë ta ketë theksuar edhe rëndësinë që Franca i kushton stabilitetit, unitetit dhe sovranitetit të Bosnje-Hercegovinës, si dhe respektimit të sundimit të ligjit.
Je viens d’échanger avec le Président @avucic.
Je lui ai redit ma conviction que le destin de la Serbie était européen et mon espoir qu’elle puisse progresser, dans un esprit de dialogue, sur le chemin des réformes et de l’adhésion.
Nous avons fait un tour…
— Emmanuel Macron (@EmmanuelMacron) August 3, 2025
