Presidenti bjellorus i cili është edhe aleat i ngushtë i presidentit rus, Vladimir Putin – ka thënë se ushtria bjelloruse nuk është duke marrë pjesë në aksione ushtarake dhe nuk ka marrë pjesë asnjëherë.
“Ne mund t’ia dëshmojmë këtë kujtdo. Më shumë se kaq, udhëheqja ruse nuk e ngriti kurrë këtë çështje me ne – përfshirjen tonë në konfliktin e armatosur. Dhe ne nuk kemi ndërmend të marrim pjesë në këtë operacion special në Ukrainë në të ardhmen. Nuk ka nevojë për këtë”, ka deklaruar Lukashenko.
Frika për bashkimin e saj në pushtimin rus ishte ngritur të hënën pasi që raportohej se Lukashenko po përgatitej të dërgonte një forcë ushtarake për t’u bashkuar në sulmin në Kiev.
Një zëdhënës i Departamentit të Shtetit të SHBA-së, Ned Price, ka thënë të hënën se Rusia kishte “tallur” sovranitetin e Bjellorusisë duke nisur pushtimin e saj të Ukrainës nga territori bjellorus./teve1.info/
